Janiye Saunf Khane Ke Kya-Kya Fayde Hai

0
831

Saunf ke fayede: Aisa koi nahi hoga jo nahi janta ki saunf kiya hota hai. Koi bhi iski khusbu se hi bata sakta hai ki ye kis ki gandh hai. Yah masalo ki raani hai or Saunf ko english me fennel kahte hai. Rasoi me sounf ka vishesh sthan he. Saunf ka upyog sabjiyo or achar ko swadist banane ke liye kara jata hai.

Saunf ke fayede

Ayurvedic chikitsa me saunf ka sevan anek rogo ke liye bahut fayedemand bataya gaya hai. Yah ruchikar hone ke sath-sath pachan kriya ko bhi sahi rakhti he. Iska sevan jatil se jatil bimariyo me bhi labh pahuchata hai. Ise bhunkar ya kacha kha sakte he, Saunf me Vitamin-C aur dusre khanij bhi kafi matra me hote he. hemoglobin badhane ke liye iska niyamit sevan bahyt labhkari hota hai. Aiye jane ki saunf khane ke fayede kiya kiya hote hai or kon kon si bimariyo ko dur kar sakta hai.

Saunf Khane Ke Fayede | Saunf Benefits in Hindi

1. Din ki shurwat agar saunf se uble pani se ki jaye to app din bhar chust- durust rahege aur vajan bhi niyantran me rahega. Aap chahe to chai me bhi isse dal kar pi sakete he. Saunf ka Pani chote bacho ko pilane se unka pet thik rehta he.

2. Pisi hui saunf ka istemaal sabjiyo me bhi kar sakte isse wah swadist ban jati hai. Har tarha ke khadye padartho me saunf ka upyog Karne se unka swad bad jata he aur inko pachane me bhi asani hoti he. Mix veg rayta me bhi jire me sath -sath pici hui saunf bhi dalni chahiye isse rayete ka swad badne ke sath pet bhi achha rahta hai.

3. Yadi aapke pet me dard hota he to bhuni hui saunf chabaiye isse aapko aram milega. Saunf ki thandai banakar pijiye garmi shant hoti he aur jee machlana band ho jayega. Ab to market me bhi saunf wali thandai milti hai jisse aap garmi ke dino me pine ke liye le sakte hai. Iski ki thandai lu lagne se bachati hai or sarir ko thanda rakhti hai.

4. Hath per me jalan hone ki shikayat hone par saunf ke sath barabar matra me dhaniya kut kar kisi channi se chhan kar rakhle. Khana khane ke bad 5 se 6 gram is powder ko mishari ke sath sevan kare. Kuch hi dino me hath per ki jalan me aram ho jata he.

5. Agar gale me kharsh ho jaye to saunf ko chabana chahiye. 2-3 din lagatar chabane se gale ki kharas or betha huaa gala saf ho jata he.

6. Rojana subha sham khali pet saunf khane se khoon saaf hota he, jo ki tvcha ke liye bhi bahut fayda karta hai. Daly subah shaam iska sevan karne se tvcha me chamak aati he.

7. Agar apki aankho ki roshni kamjor hai aur tez karna chahte he to saunf ka sevan kare. Gash aur kabj se raht pane ke liye iska ka istemaal kare. Aisa karne se gash aur kabj me to fayeda hoga hi sath hi apke pet ki anek samsya se chutkara milega.

8. Agar apki ankhe aa rahi hai to ek gilash pani me do chammach saunf dalkar ubale, pani aadha rahne par rojana do bar piye or us pani se ankho ko band kar ke dhoye. Aisa karne se ankho ki sujan or jalan me rahat milegi or juldi thik ho jayegi.

9. Agar apke muh me badbu aati hai, to rojana 2 se 3 bar saunf chabaye apke muh me badbu nahi ayegi. Muh me chale hone par 100gm pani me 40gm saunf dalkar ubale, jub pani 1/2 rah jaye to usme bhuni hui fitkari ki choti si dali dale. Is pani se din me 2-3 bar garare kare muh ke chale thik ho jayenge.

10. Khasi hone par shahad ke sath saunf ka sevan kare. Rojana aisa karne se se khasi ki taklif dur hoti he or hamesa ke liye thik ho jati hai. 100gm saunf sek kar rakhe or rojana raat ko 2 chammach cabakar khaye aisa karne se sarir ki kamjori dur hoti hai.